قومی ٹیسٹ اسکوڈ میں شامل 14 کھلاڑی لاہور سے ڈھاکہ پہنچ گئے ہیں۔

تفصیلات کے مطابق   تمام کھلاڑیوں کی آج کوویڈ 19 ٹیسٹنگ کی جائے گی، ٹیسٹنگ کے نتائج منفی آنے پر کھلاڑیوں کو اسکواڈ کے دیگر ارکان کے ساتھ ملنے کی اجازت ہوگی۔

 ڈھاکہ پہنچنے والے کھلاڑیوں میں اظہر علی، محمد عباس، فواد عالم، امام الحق اور عابد علی شامل ہیں۔

 عبداللہ شفیق، فہیم اشرف، کامران غلام، نسیم شاہ اور زاہد محمود ، نعمان علی، بلال آصف، سعود شکیل اور ساجد خان بھی ڈھاکہ پہنچ گئے ہیں۔

واضح رہے کہ پاکستان اور بنگلادیش کے درمیان  پہلا ٹیسٹ میچ 26 نومبر جبکہ دوسرا ٹیسٹ میچ  4 دسمبر کو کھیلا جائے گا۔