ٹی ٹوئنٹی ورلڈکپ کے قومی اسکواڈ میں شامل 7 کھلاڑیوں کی آئی سی سی اکیڈمی میں ٹریننگ جاری ہے۔

تفصیلات کے مطابق   تین گھنٹے پر مشتمل ٹریننگ سیشن میں کھلاڑی نیٹ پریکٹس کررہے ہیں، نیٹ سیشن سے قبل کھلاڑیوں نے گراؤنڈ فیلڈنگ کی مشقیں بھی کیں۔

 نمیبیا کے خلاف پلیئنگ الیون میں شامل گیارہ کھلاڑی آج ٹریننگ سیشن میں حصہ نہیں لے رہے ۔

یہ تمام کھلاڑی کل سے دوبارہ ٹریننگ کا آغاز کریں گے جبکہ یہ تمام کھلاڑی کل بروز جمعے کو شام 6 بجے سے آئی سی سی اکیڈمی میں منعقدہ ٹریننگ سیشن میں حصہ لیں گے۔

واضح رہے کہ پاکستان ٹیم اپنا پانچواں میچ اسکاٹ لینڈ کے خلاف کھیلے گا ۔

دوسری جانب پاکستان نے اپنے 4 ابتدائی میچز جیت کر سیمی فائنل کے لئے کوالیفائی کر لیا ہے۔