لاہورہائیکورٹ میں آئی جی پنجاب کے خلاف توہینِ عدالت کی درخواست پر سماعت ہوئی۔

تفصیلات کے مطابق عدالت نے درخواست گزاروں کی تنخواہیں ادا کرنے کی روشنی میں درخواست نمٹا دی۔

سرکاری وکیل نے کہا کہ عدالتی احکامات پر 2019 میں کمیٹی قائم کردی گئی ہے۔ تمام ملازمین کی 2016 سے 2019 تک تنخواہیں متعلقہ ڈسٹرکٹ کو بھیجوا دی ہیں۔

چیف جسٹس لاہور ہائیکورٹ جسٹس محمد امیر بھٹی نے مظہر سمیت دیگر کی درخواستوں پر سماعت کی۔

درخواست میں مؤقف اختیار کیا گیا کہ عدالتی حکم کے باوجود کمیٹی قائم کرنے کے دوران تنخواہیں نہیں دی گئیں۔

ایک اور کیس میں لاہورہائیکورٹ نے دو بچوں کو باپ سے لے کر ماں کے حوالے کردیا۔ ماں بچی کو روتے ہوئے ساتھ لے گی۔

جسٹس ملک شہزاد نے ثمرہ بی بی کی درخواست پرکیس کی سماعت کی۔

درخواست میں استدعا کی گئی کہ شوہر نے دو بچوں کو زبردستی اپنے پاس رکھا ہواہے۔ شوہر نے مار پیٹ کر گھر سے نکال دیا ہے۔

درخواست میں کہا گیا کہ عدالت کمسن بچوں کو ماں کے حوالے کرنے کا حکم دے۔