شہرقائد میں آج بھی موسم گرم اور خشک رہے گا۔

محکمہ موسمیات کا کہنا ہے کہ آج کم سے کم درجہ حرارت 17 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 33 ڈگری سینٹی گریڈ ریکارڈ ہونے کا امکان ہے۔

تازہ ترین اپڈیٹ کے مطابق شہر میں سمندری ہوائیں معطل ہیں البتہ شہر میں 12کلو میٹر فی گھنٹہ کی رفتار سے شمال مغربی ہوا چل رہی ہیں۔

واضح رہے کہ آئندہ چوبیس گھنٹوں تک بارش کا کوئی امکان نہیں ہے، جبکہ آج مطلع صاف رہے گا۔

اسلام آباد کا موسم

محکمہ موسمیات کا کہنا ہے کہ آج اسلام آباد میں دن کے اوقات میں موسم خشک اور رات کے دوران سرد رہے گا۔ جبکہ ہوا میں نمی کا تناسب %45 تک رہنے کا امکان ہے۔

اسلام آباد میں کم سے کم درجہ حرارت 7 ڈگری سینٹی گریڈ تک رہنے کا امکان ہے۔

بلوچستان کا موسم

بلوچستان کے بیشتر شمالی علاقوں میں سردی میں اضافہ ہوا ہے، کوئٹہ میں کم سے کم درجہ حرارت منفی 2 ڈگری سینٹی گریڈ ریکارڈ کیا گیا۔

محکمہ موسمیات کی رپورٹ کے مطابق وادیٔ کوئٹہ اور گردونواح میں گزشتہ روز کی نسبت سردی کی شدت میں اضافہ ہوا ہے، زیارت، قلات، پشین اور قلعہ سیف اللّٰہ سمیت صوبے کے دیگر شمالی اضلاع میں بھی موسم سرد اور خشکی برقرار ہے۔

قلات میں کم سے کم درجہ حرارت منفی 3 ڈگری سینٹی گریڈ ریکارڈ کیا گیا، دالبندین اور ژوب میں 7، خضدار اور پنجگورمیں8 ڈگری سینٹی گریڈ ریکارڈ کیا گیا۔

اس کے علاوہ اس کے علاوہ کشمیراورگلگت بلتستان میں موسم خشک اور سرد رہنے کا امکان ہے۔

گزشتہ 24 گھنٹوں کے دوران ملک کے بیشترمیدانی علاقوں میں موسم خشک جبکہ پہا ڑی علاقوں میں سرد رہا۔

آج ر یکارڈ کیے گئے کم سے کم درجہ حرارت لہہ میں منفی 07، اسکردو میں منفی05، قلات زیارت میں منفی03 ،کالام اور گلگت میں منفی02، استور اورگوپس میں منفی 01 ڈگری سینٹی گریڈ ریکارڈ کیا گیا ہے۔