پاکستان سپر لیگ(پی ایس ایل) کی فرنچائزز نے کھلاڑیوں کے رد و بدل کے لئے سر جوڑ لئے ہیں۔

ذرائع کے مطابق  پشاور زلمی نے سیزن 7 میں کپتان تبدیل کرنے کا فیصلہ کیا ہے، وہاب ریاض کی جگہ حسن علی کو پشاور زلمی کا کپتان بنائے جانے کا امکان ہے۔

 ذرائع کا کہنا ہے کہ کراچی کنگز نے بھی کپتان کی تبدیلی پر غور شروع کردیا ہے،عماد وسیم کی جگہ بابر اعظم کو کپتانی سونپی جائے گی جبکہ  عماد وسیم کراچی کنگز کی جگہ کوئٹہ گلیڈیٹرز کا حصہ بننے کے خواہشمند ہیں۔

ذرائع کا مزید کہنا ہے کہ پاکستان سپر لیگ( پی ایس ایل )کے میچز کراچی اور لاہور میں کھیلے جائیں گے۔