وزیراعظم عمران خان کا کہنا ہے کہ حکومت اپنا کام کرے گی، شوگرانڈسڑی اپنا کام کرے۔ 

تفصیلات کےمطابق وزیراعظم عمران خان سے پاکستان شوگر ملز ایسوسی ایشن کے چئیرمین ذکا اشرف نے ملاقات کی۔ ملاقات میں چینی بحران سمیت شوگرانڈسٹری کےحوالےسےگفتگو ہوئی۔

وزیراعظم عمران خان نے کہا کہ  شوگرانڈسڑی ملک کی اہم صنعت ہے۔ آپ شوگر انڈسٹری کےلیے اچھا کام کر رہے ہیں۔ دیگرصنعتوں کی طرح شوگرانڈسٹری کا بھی تحفظ کریں گے۔

چئیرمین ذکا اشرف کا کہنا ہے کہ وزیراعظم عمران خان نے مکمل تعاون کا یقین دلایا ہے۔ حکومت اور شوگرانڈسٹری کےتمام معاملات حل ہوگئے ہیں۔

ذکا اشرف نے میڈیاکو بتایا کہ مشیرخزانہ شوکت ترین نے بھی کہا ہےکہ وزیراعظم نےمکمل اختیاردے دیا ہے۔ مزید تفصیلات پریس کانفرنس میں آگاہ کی جائیں گی۔

واضح رہے کہ اس سے قبل پاکستان شوگر ملز ایسوسی ایشن کے وفد نے چئیرمین ذکا اشرف کی سربراہی میں مشیر خزانہ شوکت ترین سے ملاقات کی تھی۔ ملاقات میں وفاقی وزرا فخر امام، حماد اظہر، مونس الہی سمیت دیگر اعلیٰ عہدیداران شریک تھے۔