کراچی پولیس نے گزشتہ ایک ہفتے کے دوران کامیاب کارروائیاں کی ہیں۔

تفصیلات کے مطابق کراچی پولیس نے گزشتہ ہفتے کے دوران 671 سے زائد ملزمان کو گرفتار کرلیا ہے جن میں سے منشیات فروش ملزمان سے کروڑوں روپے مالیت کی منشیات بھی برآمد کرلی ہے۔

پولیس ذرائع کا کہنا ہے کہ گرفتار ہوئے ملزمان کے پاس سے 92 سے زائد غیر قانونی اسلحہ بمعہ ایمونیشن اور اسکے علاوہ مجموعی طور پر 71 موٹرسائیکلیں اور 9 گاڑی تحویل میں لے لی گئی ہے۔

کراچی پولیس نے شہر میں اسپیشل انویسٹی گیشن یونٹ کی کارروائی کی جس کے نتیجے میں گرفتار 05 ملزمان سے منشیات اور اسلحہ برآمد کیا گیا۔

واضح رہے کہ گرفتار ملزمان کے خلاف مقدمات درج کر کے ان کو تفتیشی حکام کے حوالے کر دیا گیا ہے۔