سندھ میں گزشتہ چوبیس گھنٹوں کے دوران ڈینگی کے 62 نئے کیسز سامنے آئے ہیں۔

تفصیلات کے مطابق سندھ میں گزشتہ 24 گھنٹوں میں ڈینگی کے 62 نئے کیسز رپورٹ ہیں ، جن میں 43 کیسز کا تعلق کراچی سے ہے۔

اسکے علاوہ حیدرآباد میں 14، تھرپارکر میں 2، عمرکوٹ میں 2 اور میرپورخاص میں 1 کیسز رپورٹ ہوئے ہیں۔

ذرائع کا کہنا ہے کہ رواں ماہ نومبرمیں ڈینگی کے 193 کیسز رپورٹ ہوئے ہیں، اکتوبرمیں ڈینگی کے 1864 کیس رپورٹ ہوئے اور ستمبر میں ڈینگی کے 603 کیس رپورٹ ہوئے تھے۔

واضح رہے کہ سندھ میں اب تک ڈینگی کے کیسز کی تعداد 3832 سے تجاوز کرچکی ہے جبکہ رواں سال سندھ میں ڈینگی وائرس سے 15 اموات ہوچکی ہیں۔

جنوبی پنجاب میں ڈینگی وائرس کی صورتحال

دوسری جانب ملتان سمیت جنوبی پنجاب میں ڈینگی کے کیسز میں اضافہ دیکھا جارہا ہے۔

جنوبی پنجاب میں بھی ڈینگی سر اٹھانے لگا ملتان کے نشتراسپتال میں ڈینگی کے 36 مریض زیرعلاج ہیں۔

نشتراسپتال کے ترجمان کا کہنا تھا کہ زیرعلاج 21 مریضوں میں ڈینگی کی تصدیق ہوگئی جبکہ 15 مریض کی رپورٹ کا انتظار ہورہا ہے۔

نشتراسپتال کے ترجمان نے مزید بتایا کہ ڈینگی میں مبتلا مریضوں کا تعلق جنوبی پنجاب کے مختلف اضلاع سے ہے۔