پاکستان ڈیلرز ایسوسی ایشن  نے ملک بھر میں ہڑتال ختم کرنے کا فیصلہ کیا ہے۔

جاری اعلامیہ کے مطابق ڈیلرز ایسوسی ایشن کے حکومت کے ساتھ مزاکرات کامیاب ہو گئے ہیں۔

اسٹیک ہولڈرز نے مارجن میں 99 پیسے کے اضافے پر اتفاق کیا، ہائی اسپیڈ ڈیزل کے موجودہ مارجن میں 83 پیسے کے اضافے پر اتفاق کیا گیا۔

اعلامیہ کے مطابق  ڈیلرز کے مارجن میں 25 فیصد تک اضافہ مہنگائی کے اثرات کو کور کرے گا، موجودہ مارجن میں 25 فیصد اضافے کی مذکورہ تجویز کیلئے پیٹرولیم ڈویژن کوشش جاری رکھے گا۔

جاری اعلامیہ کے مطابق اقتصادی رابطہ کمیٹی اور وفاقی کابینہ میں تجاویز پیش کی جائیں گی۔

اسٹیک ہولڈرز نے اتفاق کیا کہ پیٹرولیم مصنوعات کے اضافی اخراجات عام عوام پر منتقل کرنا قابل عمل نہیں۔حکومت کی جانب سے ایسوسی ایشن کو 6 ماہ مارجن پر نظر ثانی کی یقین دہانی کروائی گئی۔