پاکستان شوبز انڈسٹری کی نامور اداکارہ غنا علی کے ہاں بیٹی کی پیدائش ہوئی ہے۔

اداکارہ غنا علی نے فوٹو ایند ویڈیو شئیرنگ ایپ انسٹاگرام پر مداحوں کو بیٹی کی پیدائش کی اطلاع دی۔

اداکارہ غنا علی نے اپنی بیٹی کا نام ’فائجہ عمیر‘ رکھا ہے۔

انسٹاگرام پر اداکارہ غنا کی جانب سے پوسٹ کی جانے والی تصویر کو ایموجی سے چھپایا ہوا ہے۔

اداکارہ غنا علی نے تصویر شیئر کرتے ہوئے کیپشن میں لکھا کہ جس لمحے بچے کی پیدائش ہوتی ہے اسی لمحے ماں بھی پیدا ہوتی ہے۔

انہوں نے لکھا کہ ہماری لیے خوشی کا لمحہ آخرکار آہی گیا، یہ ہم دونوں کے لیے بہترین لمحہ ہے، بیٹی ایک بہترین تحفہ ہے جس کی نعمت سے ہمیں نوازا گیا ہے۔

غنا نے مداحوں سے دعاؤں میں یاد رکھنے کی درخواست بھی کی۔

گزشتہ ہفتے اداکارہ غنا علی نے اپنے ہاں جڑواں بچوں کی پیدائش کی خبر کو غلط قرار دیا تھا ۔

جڑواں بچوں کی پیدائش کی خبر وائرل ہوئیں تو غنا علی نے انسٹاگرام اسٹوری میں ایسی خبروں کو جھوٹا قرار دیا۔

واضح رہے کہ غنا علی نے رواں برس 17 مئی کو شادی کی تھی، جس کے چار ماہ بعد 27 ستمبر کو اداکارہ نے سوشل میڈیا پوسٹس کے ذریعے تصدیق کی تھی کہ وہ امید سے ہیں۔