انٹر نیشنل کرکٹ کونسل (آئی سی سی) کے ضابطہ اخلاق کی خلاف ورزی پر پاکستان کرکٹ ٹیم کے فاسٹ بولر شاہین شاہ آفریدی پر میچ فیس کا 15 فیصد جرمانہ عائد کردیا گیا ہے۔

تفصیلات کے مطابق شاہین شاہ  آفریدی بنگلادیش کے خلاف دوسرے میچ میں آرٹیکل 2.9 کی خلاف ورزی کے مرتکب قرار پائے۔

پاکستانی بولر شاہین آفریدی نے میچ کے دوران گیند فیلڈ کرتے ہی اسے بنگلادیشی بیٹسمین عفیف حسین کی جانب پھینکی تھی۔

جرمانے کے ساتھ شاہین آفریدی کے ڈسپلنری پروفائل پر ایک ڈی میرٹ پوائنٹ کا اضافہ ہوگیا۔

واضح رہے کہ پاکستان نے بنگلادیش کو دوسرے ٹی ٹوئنٹی میچ میں 8 وکٹوں سے شکست دے کر سیریز اپنے نام کر لی ہے۔

پاکستان اور بنگلادیش کے درمیان سیریز کا تیسرا اور آخری ٹی ٹوئنٹی میچ کل کھیلا جائے گا۔