سابق چیئرمین مظفرآباد ٹائیگرز ارشد خان تنولی نے چیرمین کشمیر پریمئر لیگ کا عہدہ سنبھال لیا ہے۔

کشمیر پریمیئر لیگ (کے پی ایل) کے نو منتخب چئیرمن ارشد خان تنولی کا کہنا ہے کہ مشکل وقت میں لیگ کے چیرمین کا عہدہ سنبھال رہا ہوں، مظفرآباد ٹائیگرز کو چھوڑنا ایک مشکل فیصلہ تھا.

لیگ کی چیرمین شب پھولوں کے سیج ثابت نہیں ہوگی، یقین دلاتا ہوں کشمیر پریمئر لیگ کا اگلہ سیزن پہلے سے زیادہ کامیاب ہوگا۔

کے پی ایل کے صدرعارف ملک نے ارشد خان تنولی کو لیگ میں خوش آمدید کیا۔

انکا کہنا تھا کہ امید ہے انکے آنے سے لیگ مزید کامیاب ہوگی، مظفرآباد ٹائیگرز کے بھاگ دوڑ نئی انتظامیہ سنبھالے گی۔

واضح رہے کہ ارشد خان تنولی نے کشمیر پریمئر لیگ کے 35 فیصد شیئرز خریدے ہیں۔