بنگلہ دیش میں جاری ٹیسٹ سیریز سے قبل پریکٹس سیشن میں پاکستانی قومی پرچم لہرانے پر ٹیم ارکان کے خلاف دائر درخواست مسترد کر دی۔

نجی میڈیا کی خبروں کے مطابق بنگلا دیش مکتیودھ منچا کی مرکزی کمیٹی کے جنرل سیکرٹری نے ایڈیشنل چیف میٹرو پولیٹن مجسٹریٹ کی عدالت میں مقدمہ دائر کیا تھا جس میں  پاکستان کرکٹ ٹیم کے کپتان، کوچ اور مینیجر سمیت تمام سکواڈ ارکان کو نامزد کیا گیا تھا۔

درخواست گزار کا کہنا تھا  کہ شیر بنگلہ نیشنل کرکٹ سٹیڈیم کے اکیڈمی گراؤنڈ میں حکومت کی اجازت کے بغیر پاکستانی پرچم لہرانے کی مشق کی گئی۔ عدالت نے درخواست گزار کے مؤقف کا جائزہ لینے کے بعد پاکستان ٹیم کے خلاف دائر درخواست کو مسترد کر دیا۔