مراد راس کا کہنا ہے کہ تعلیم کو اپنے بچوں کیلئے بہتر سے بہتر کرنے کی کوشش کر رہے ہیں۔

صوبائی وزیر تعلیم پنجاب مراد راس کی وفاقی وزیر تعلیم شفقت محمود سے اہم ملاقات ہوئی ہے۔ ملاقات کا انعقاد یکساں نصاب تعلیم کی کامیابی کے حوالے سے کیا گیا ہے۔

اس ملاقات میں یکساں نصاب تعلیم کے حوالے وفاقی حکومت اور پنجاب حکومت کے نمائندگان بھی شامل ہوئے۔

 مراد راس نے ملاقات میں شفقت محمود سے گفتگو کرتے ہوئے کہا کہ اساتذہ اور طلباء سے اہم کچھ نہیں ہے، تعلیم کو اپنے بچوں کے لئے بہتر سے بہتر کرنے کی کوشش کر رہے ہیں۔

ان کا کہنا ہے کہ یکساں نصاب تعلیم پر عمل نہ کرنے والے اسکولوں کے خلاف سخت کارروائی عمل میں لائی جائے گی۔

صوبائی وزیر تعلیم مراد راس نے مزید کہا کہ وزیر اعظم عمران خان کے ویژن کے عین مطابق یکساں نصاب تعلیم پر ہر ممکن عملدرآمد کروایا جارہا ہے۔