ڈسٹرکٹ مانیٹرنگ آفیسر نے شائستہ پرویز کو جرمانہ اور راجہ پرویز اشرف کو نوٹس جاری کر دیا۔

لاہور کے این اے 133 میں ہونے والے ضمنی انتخاب کے سلسلے میں ڈسٹرکٹ مانیٹرنگ آفیسر نے مسلم لیگ ن کی امیدوار شائستہ پرویز ملک کو جرمانہ ادا کرنے کے احکامات جاری کر دئیے۔

ڈسٹرکٹ مانیٹرنگ آفیسر کا کہنا ہے کہ شائستہ پرویز کو ضابطہ اخلاق کی خلاف ورزی پر20,000 روپے جرمانہ عائد کیا گیا۔ حلقے میں بل بورڈز، وال چاکنگ اور پینا فلکسز پر مکمل پابندی ہے۔

رکن قومی اسمبلی راجہ پرویز اشرف کو پیپلز پارٹی امیدوار اسلم گل کی انتخابی مہم میں شرکت پر نوٹس جاری کیا گیا۔

رکن قومی اسمبلی راجہ پرویز اشرف کو 29 نومبر کو ذاتی حیثیت میں وضاحت کیلئے طلب کر لیا گیا۔