ہالی ووڈ اسٹار ٹام کروز نے ہوائی جہاز کے پر سے لٹک کر فلم کے لیے خطرناک اسٹنٹ دے کر سب کو حیران کر دیا۔

 غیر ملکی خبر رساں ادارے کے مطابق ٹام کروز کو ہفتے کے روز ایک خاص جرات مندانہ اسٹنٹ کی تیاری کرتے ہوئے دیکھا گیا ہے۔

ٹام کروز نے یہ اسٹنٹس اپنی نئی فلم ’مشن ایمپاسبل7‘ کے لیے عکس بند کے لیے کروائے ہیں۔

سوشل میڈیا پر سامنے آنے والی تصاویر میں انہیں ایک چھوٹے ہوائی جہاز کے بازو پرچڑھتے ہوئے دکھایا گیا ہے۔

اس کے علاوہ تصاویر میں یہ بھی دیکھا جاسکتا ہے کہ ٹام کروز کے جہاز سے لٹکے ہوئے ہی جہاز پلٹا اور اداکار اس پر الٹے لٹکے ہوئے ہیں۔

ٹام کروز کو ان تصاویر میں خاکی رنگ کا حفاظتی سوٹ پہنے نظر آرہے ہیں، تاکہ انہیں ہوا کےدباؤ سے گرنے سے بچایا جا سکے۔