عوامی نیشنل پارٹی خیبر پختونخوا کے صدر ایمل ولی خان نے کہا ہے کہ موجودہ حکومت نے پشاور کو ایک منصوبے کے تحت تباہ و برباد کر دیا ہے۔

صوبائی صدر ایمل ولی نے عوامی نیشنل پارٹی کے جلسے سے خطاب کرتے ہوئے کہا کہ پارٹیوں کے اے ٹی ایم مشینوں کے مقابلے میں ہم نے اپنے پارٹی ورکرز کو ٹکٹ دیا، اے این پی انگریزوں کے بعد قیوم خان جیسے آمروں سے ہوتے ہوئے موجودہ عمران نیازی کے سامنےعوام کی مفاد کے لیے کھڑی ہے۔

ان کا کہنا تھا کہ بلور فیملی کی کسی سے ذاتی دشمنی نہیں تھی، دہشت گردوں کے خود کش جیکٹس ختم ہوجائیں گے لیکن پشتونوں کے سینے اس ظلم کے سامنے ڈٹے رہیں گے، موجودہ حکومت نے پشاور کو ایک منصوبے کے تحت تباہ و برباد کر دیا ہے۔

ایمل ولی خان نے کہا کہ 1 کھرب سے زائد روپے بغیر منصوبہ بندی کے تحت ایک سڑک پر خرچ کر دئیے، صوبے میں 1 کھرب روپے سے کتنے اسکول اور صحت کے منصوبے بن جاتے، پشاور میں پی ٹی آئی کے مئیر کے لیے نامزد امیدوار گورنر شاہ فرمان کے اے ٹی ایم مشین ہے، پشاور سے مئیر کے لیے نامزد امیدوار کے والد اے این پی ابو ظہبی کے صدر ہے۔

انہوں نے کہا کہ وزیر اعظم عمران خان سے لے کر تمام وزراء تک نے الیکشن کمیشن کے ضابطہ اخلاق کی دھجیاں اڑا دی، مختلف کارڈوں کے اجراء کے بعد حکومت نے عوام کے لیے صبر کارڈ کا اجرا بھی کر دیا ہے، الف یاب بلور سے بلور کی شمولیت کا مطلب مرکزی نہیں کہ بلور فیملی اے این پی سے گئی۔

عوامی نیشنل پارٹی خیبر پختونخوا کے صدر ایمل ولی خان نے مزید کہا کہ انتخابات کو چورانے کے لیے مشینوں کو لایا جا رہا ہے، ہم ان مشینوں اور مشینوں کو لانے والوں کے خلاف لڑیں گے۔