گیس بحران کے باعث رحیم ٰیار خان میں 18 گھنٹے گیس لوڈ شیڈنگ ہونے لگی۔

تفصیلات کے مطابق  رحیم یار خان میں گیس کا بحران شدت اختیار کر نے سے اٹھارہ گھنٹے سے زائد گیس  کی لوڈ شیڈنگ اور کم پریشر نے خواتین کو مشکلات میں ڈال دیا۔

خواتین کا کہنا ہے کہ رحیم یار خان میں گیس کی طویل بندش کے باعث ہر طبقے سے تعلق رکھنے والی  خواتین مشکلات سے دو چار ہیں۔

اُن  کا کہنا ہے کہ یہ واحد ضلع ہے جہاں  18 گھنٹے سے زائد گیس لوڈ شیڈنگ کی جارہی ہے۔

گھریلو صارف صائمہ طارق کا کہنا تھا کہ  گیس لوڈ شیڈنگ سب سے زیادہ رحیم یار خان میں ہے۔

سول سوسائٹی سے تعلق رکھنے والی وکیل خاتون کہتی ہیں کہ گیس لوڈ شیڈنگ کے باعث دفتری اوقات اور امور خانہ داری میں مشکلات کا سامنا ہے۔

اُن کا کہنا تھا  صبح دفتر جائیں تو گیس نہیں ہوتی واپس گھر آئیں تو گیس نہیں ہوتی۔

گیس لوڈ شیڈنگ کا شکوہ طالبات نے بھی کرتے ہوئے کہا کہ  صبح یونیورسٹی جانے کے وقت ناشتہ نہیں ملتا، شام کو گھر پہنچے پر کھانا نہیں ملتا اس مہنگائی میں مجبوراً باہر سے کھانا پڑتا ہے،لوڈ شیڈنگ تو کہیں گیس کا کم پریشر ہے۔

گھریلو صارفین کا کہنا تھا کہ کوئی گیس سلنڈر کا استعمال کررہا ہے تو کوئی لکڑیاں،گیس لوڈ شیڈنگ کی خلاف کئی بار ہم خواتین نے احتجاج بھی کیا لیکن کوئی فائیدہ نہیں ہوا۔

دوسری جانب  گیس لوڈ شیڈنگ کیوں ہو رہی ہے ؟ اس حوالے سے محکمہ سوئی گیس کوئی بھی بیان دینے سے قاصر ہے، شہریوں نے حکومت سے گیس بحران پر قابو پانے اور گیس کی فراہمی کو یقینی بنانے کا مطالبہ کیا ہے۔