بالی ووڈ اداکارہ دیپیکا پڈوکون کے خلاف دھوکا دہی اور مجرمانہ سازش کی شکایت درج ہوگئی۔

غیر ملکی خبر رساں ادارے کے مطابق ممبئی کی عدالت میں ورلڈ کپ 83 سے متعلق فلم بنانے والوں پر دھوکا دہی اور مجرمانہ سازش کی دفعات کے تحت شکایت درج کی گئی ہے۔

کرکٹ ورلڈ کپ ایونٹ 1983ء پر بنائی گئی فلم کے خلاف یو اے ای میں مقیم ایک فنانسر نے دھوکا دہی، مجرمانہ سازش کے الزامات کے تحت فلم 83 کے فلمسازوں کے خلاف شکایت درج کرائی ہے۔

تاہم درخواست میں مطالبہ کیا گیا کہ جلد ہی ریلیز ہونے والی فلم 83 کے میکرز کے خلاف سازش اور دھوکا دہی کے الزام کے تحت کارروائی کی جائے۔

درخواست میں بتایا گیا کہ انہوں نے اچھے منافع کے وعدے پر فلم میں 16 کروڑ روپے لگائے تھے، اس حوالے سے دو معاہدے ہوئے، جن کے تحت ہم شیئر ہولڈر بن گئے۔

تاہم جس کمپنی سے ہم نے معاہدہ کیا تھا، اُس نے معاہدوں کی شرائط و ضوابط کی خلاف ورزی کرکے ہمیں دھوکا دینے، ہمارے فنڈز ضائع کرنے اور نقصان پہنچانے کی جان بوجھ کر کوشش کی۔

واضح رہے کہ ساجد ناڈیاوالا، کبیرخان اور دیگر 4 افراد کی طرح دیپیکا پڈوکون بھی 83 کے فلمسازوں میں شامل ہیں۔