جرمن فٹ بال کلب بائرن میونخ کے لیونڈوسکی نے اپنے کلب کے لئے 43 واں اور کیلنڈر ائیر میں سب سے زیادہ گول کرنے کا ریکارڈ بنا دیا۔

پولینڈ سے تعلق رکھنے والے 33 سالہ لیونڈوسکی نے بائرن میونخ کی جانب سے وولفز برگ کے خلاف یہ کارنامہ انجام دیا، اس میچ میں بائرن میونخ نے 0-4 سے فتح حاصل کی۔

اس سے قبل ایک کیلنڈر ائیر میں 42 گول کا ریکاڑد گیرڈ مولر کے پاس تھا جنہوں نے یہ کارنامہ 1972 میں انجام دیا تھا۔

اس میچ میں کامیابی کے بعد بائرن میونخ نے 9 پوائنٹس کے ساتھ پوائنٹس ٹیبل پر پہلی پوزیشن حاصل کر لی ہے۔

لیونڈوسکی نے گزشتہ سال بائرن میونخ کے سابق اسٹرائیکر مولر کا 49 سالہ لیگ ریکارڈ بھی اپنے نام کیا تھا، انہوں نے گزشتہ سال مئی میں سیزن کے آخری میچ کے آخری منٹ میں 41 واں گول صرف 21 میچز میں کرنے کا ریکارڈ قائم کیا تھا۔