ٹنڈوالہ یارمیں آصف علی زرداری نے خطاب میں بڑا اعلان کردیا۔

پاکستان پیپلز پارٹی کے شریک چئیرمین اورسابق صدرآصف علی زرداری نے لاہور میں خیمیں لگا کر احتجاج کرنے کا اعلان کر دیا۔

انہوں نے خطاب کرتے ہوئے کہاکہ ٹنڈوالہ یار، پیپلزپارٹی نے ہمیشہ عوامی کام کیے ہیں، بھٹو صاحب نے عوام کے مسائل کو ترجیح دی، بلاول بھٹواور آصفہ بھٹو کی قیادت میں عوام کی خدمت کرتے رہینگے۔

یہ بھی پڑھیں: نواز شریف نے آصف زرداری کی نئی پیشکش ٹھکرادی

انہوں نے کہاکہ وفاقی حکومت اور ہمارے مابین کچھ مسائل ہیں یہ مسائل چلتے رہیں گے،بہت جلد لاہور اور اسلام آباد میں بیٹھ کر ان مخالفین کا مقابلہ کرنے جارہا ہوں، اس حکومت کا وفاق میں بیٹھ کر مقابلہ کروں گا۔

سابق صدر آصف علی زرداری نے مزید کہاکہ ان سے مقابلہ کرنے کا وقت آگیا ہے۔

واضح رہےکہ گزشتہ دنوں آصف زرداری نے ن لیگ کو پیشکش کی تھی کہ چیئرمین سینیٹ ہمارا اور پنجاب کا وزیر اعلیٰ ن لیگ کا ہوگا،اس کے علاوہ قومی اسمبلی کے اسپیکر کو ہٹانے میں بھی مکمل تعاون کی یقین دہانی کروائی۔

آصف زرداری نے دعویٰ کیا کہ ق لیگ اور جی ڈی اے والے بھی ہمارا ساتھ دینگے، قومی اسمبلی کی اسپیکر شپ بھی ن لیگ رکھ لے۔

ذرائع کے مطابق سابق صدر اور پاکستان پیپلز پارٹی کے شریک چئیرمین آصف علی زرداری کا یہ پیغام مسلم لیگ ن کے صدر شہبازشریف کو پہنچایا گیا۔

 یہ بھی پڑھیں:   ہم طبقاتی ناانصافیوں کے خلاف جنگ لڑتے رہیں گے، آصف زرداری

دوسری جانب شہباز شریف نے ان تمام تفصیلات سے پارٹی قائد نواز شریف کو بھی آگاہ کیا۔

 نواز شریف نے آصف زرداری کی پیشکش تسلیم کرنے سے انکارکرتے ہوئے کہاکہ پیپلز پارٹی اپنے سیاسی مقاصد کےلیے ہمیں استعمال کرنا چاہتی ہے۔

سابق وزیراعظم نواز شریف نے موقف اپنایاکہ آصف زرداری نے جو کچھ لاہور میں کہا اس کے بعد ان سے تعاون کی گنجائش نہیں۔