ڈجکوٹ میں طالب علم کو گھر سے بلا کر گولی ماری گئی۔

تفصیلات کے مطابق ڈجکوٹ میں طالب علم کو مبینہ گھر سے بیٹھک میں بلا کر سر میں گولی مار دی گئی۔

پولیس نے کہا کہ گینگ میں غیر حاضر رہنے پر اپنے ہی دوستوں نے ہی گولی مار کر قتل کر دیا۔

پولیس حکام کا کہنا ہے کہ وارڈ نمبر 2 جدید آبادی کا رہائشی میاں احمد بارہویں کلاس کا طالب علم تھا۔

تفتیشی پولیس نے  بتایا کہ سر میں لگنے والی گولی آر پار ہو گئیں اٹھارہ سالہ احمد نے ہسپتال میں دم توڑ دیا۔

ترجمان پنجاب پولیس کہا کہنا تھا  چند دن قبل بھی دوستوں نے دہم کلاس کے طالب علم علی حیدر کو گھر بلا کر قتل کر دیا تھا۔

پولیس ترجمان نے مزید کہا کہ ملزمان طلبہ احمد ، حسنین، صائم اور سمیر کے خلاف مقدمہ درج کرکے تفتیش شروع کردی گئی ہے۔

علاقہ مکینوں کا کہنا تھا کہ اسکول میں طلبہ گروہوں کی لڑائیوں میں طلبہ کا قتل عام اور ہوائی فائرنگ علاقے کی  پولیس کی کارکردگی پرسوالیہ نشان ہے، دونوں طالب علموں کی قتل سے لوگوں میں خوف و ہراس پھیل گیا ہے۔

انہوں نے مطالبہ کیا کہ ریاست  طالب علموں کو کتاب و قلم کی  طرف راغب کرے ،اسلحہ کی فروخت پر پابندی عائد کی جائے اور جلد از جلد ملزمان کو گرفتار کیا جائے۔