دبئی میں ورلڈ باکسنگ کونسل کے زیرِاہتمام میڈل ایسٹ ٹائٹل اور ایشین ٹائٹل کا میلہ کل دبئی میں سجےگا۔

انٹرنیشنل باکسرز کا آفیشل ویٹ اور فیس آف آج دبئی میں ہوا، ایشین باکسنگ چیمپئین عثمان وزیر اور سابق کپتان پاکستان باکسنگ ٹیم آصف ہزارہ رنگ میں اتریں گے، عثمان وزیر اپنے ایشن باکسنگ فیڈریشن ٹائٹل کا دفاع کریں گے جبکہ عثمان وزیر کا ٹاکڑا تنزانیہ کے ٹاپ باکسر روسٹا سے ہوگا۔

یاد رہے کہ عثمان وزیر نے ورلڈ باکسنگ کونسل مڈل ایسٹ ٹائٹل کے لئے فائٹ کرنا تھی لیکن ڈبلیو بی سی اور ایشین باکسنگ فیڈریشن میں ٹیکنکل مسائل کے باعث عثمان وزیر اپنے ایشین ٹائٹل کے دفاع کا فیصلہ کیا ہے۔

پاکستان کے سابق کپتان آصف ہزارہ ایشئین ٹائٹل کے لیے رنگ میں اتریں گے، آصف ہزارہ کا مقابلہ یوگنڈا کے باکسر سے ہو گا۔

باکسر عثمان وزیر نے اپنی جاری کردہ بیان میں کہا کہ پچھلے تین ماہ سے دبئی میں موجود ہوں، فائٹ کے لئے بھرپور تیاری کی ہے، پرامید ہوں کہ اپنے ٹائٹل کا کامیابی سے دفاع کرلونگا۔

اسکا مزید کہنا تھا کہ میرے کیریئر کی بڑی فائٹ ہے پاکستانی عوام کی سپورٹ سے حوصلہ بلند ہے۔

باکسرآصف ہزارہ نے کہا کہ عثمان وزیر کے ساتھ دبئی میں بہترین ٹرینگ کا موقع ملا، انشااللہ ایشین چیمپئن ٹائٹل کا پاکستان کے نام کروں گا، قوم سے ہماری کامیابی کے لئے دعاوں کی درخواست ہے۔

اس کے علاوہ کوچ محبوب احمد نے کہا کہ عثمان وزیر اور آصف ہزارہ نے بہت محنت کی انشاءاللہ دونوں اپنی فائٹ جیت کر پاکستان کا نام روشن کریں گئے۔