وسطی پنجاب میں واقع شہر چنیوٹ میں شدید دھند کے باعث گنے سے لدی 2 ٹریکٹر ٹرالیوں میں خطرناک تصادم ہوا۔

تفصیلات کے مطابق چنیوٹ میں جھنگ روڈ نزد سیم پل پر ٹریکٹر ٹرالی کا ٹریکٹر ٹرالی سے تصادم ہوا جس کے نتیجے میں ایک شخص جاں بحق اور دوسرا شدید زخمی ہوگیا ہے۔

ریسکیو ذرائع نے بتایا ہے کہ تصادم کے نتیجے میں ٹریکٹر ٹرالی کے نیچے آکر 32 سالہ ثقلین جانبحق ہوگیا اور 28سالہ محمد امین کو تشویشناک حالت میں اسپتال منتقل کردیا گیا ہے۔

واضح رہے کہ پاکستان میں ٹریفک حادثات میں اضافہ دیکھا جا رہا ہے جس کی بہت سی وجوہات میں سے دھند ، تیز رفتاری، اناڑی ڈرائیور، ٹریف قوانین کی پابندی نا کرنا شامل ہیں۔

ملک بھر میں سڑکوں کی ابتر حالت بھی ان حادثات کی ایک بڑی وجہ ہے، ٹریفک کے اعدادوشمار پر نظر رکھنے والی تنظیموں کا کہنا ہے کہ حکومت کو چاہیئے کہ وہ سڑکوں کی حالت بہتر کرنا اپنی ترجیحات میں شامل کرے۔