کراچی ایئرپورٹ سے جانے والی مختلف ایئرلائنز تاخیر شکار ہوگئی ہیں جس کے باعث فلائٹ شیڈول متاثر ہوگیا ہے۔

تفصیلات کے مطابق کراچی سے لاہور جانے والی نجی ایئر لائن ایئر بلو کی پرواز پی اے 402کئی گھنٹے تاخیر کا شکار ہے۔

ایئرپورٹ ذرائع کا کہنا ہے کہ پرواز کو صبح 8بجے روانہ ہونا تھا، طیارہ نہ ہونے کی وجہ سے پرواز دوپہر 12 بجکر45 منٹ پر روانگی متوقع ہے۔

اس کے علاوہ کراچی سے لاہور جانے والی سرین ایئر بھی تاخیر کا شکار ہوگئی ہے، پرواز ER-522 کو ساڑھے 10 بجے روانہ ہونا تھا، طیارہ نہ ہونے کی وجہ سے پرواز دوپہر 1بجے شیڈول کردی گئی ہے۔

ایئرپورٹ ذرائع نے مزید بتایا کہ کراچی سے پشاور جانے والی ایئر بلو کی ایک اور پرواز PA-602 کے شیڈول میں بھی تبدیلی ہوگئی ہے، پرواز کو دوپہر 12بجے روانہ ہونا تھا اور اب 3 بجے روانہ ہوگی۔