بالی ووڈ کے خطروں کے کھلاڑی اکشے کمار اور نامور ایکشن ہیرو ٹائیگر شروف انڈسٹری میں بڑے ایکشن کے لئے تیار ہیں۔

بھارتی میڈیا رپورٹس کے مطابق 2019 کی بلاک بسٹر فلم ’’وار‘‘ میں ٹائیگر شروف اور ہریتک روشن کی جوڑی کو مداحوں نے بے حد پسند کیا تھا۔

ان کے ایکشن کے بعد خصوصی طور پر معلوم ہوا ہے کہ اکشے کمار اور ٹائیگر شروف کو بالی ووڈ کے نامور ہدایت کار علی عباس ظفر  بھر پور ایکشن کے ساتھ فلم میں ایک ساتھ لانے کے لیے پوری طرح تیار ہیں۔

علی عباس ظفر کافی عرصے سے ایک بڑے پیمانے پر دو ایکشن سے بھرپور ہیرو کے فلم کی منصوبہ بندی کر رہے تھے اور آخر کار انہوں نے اس اسکرپٹ کو لاک کر دیا ہے جو ان دو بڑے ایکشن اسٹارز کی موجودگی کے ساتھ انصاف کرتا ہے۔

ہدایت کار نے اس اسکرپٹ کے حوالے سے اکشے اور ٹائیگر کو بتایا جو پہلے ہی اس ایکشن سے بھرپور فلم کرنے پر راضی ہو چکے ہیں اور یہ اگلے سال کے آخر میں کسی وقت تیار ہوجائے گی۔

علی عباس ظفر نے دعویٰ کیا ہے کہ یہ ہندی فلم انڈسٹری کی سب سے بڑی ایکشن فلموں میں سے ایک ہوگی۔ اسے 2023 میں ریلیز کرنے کا منصوبہ بنایا جا رہا ہے اور یہ اکشے اور ٹائیگر کی ایک ساتھ پہلی فلم ہوگی۔