بھارتی اداکارہ نے کم عمر گھریلو ملازمہ کو تشدد کا نشانہ بنا دیا۔

غیر ملکی خبر رساں ادارے کے مطابق اداکارہ نے کام وقت پر ختم نہ کرنے کی پاداش میں کم عمر ملازمہ کو تشدد کا نشانہ بنایا۔

تاہم  ملازمہ نے بتایا ہے کہ اداکارہ نے سینڈل سے اسے پیٹا، جس سے اس کے سر اور چہرے پر شدید چوٹیں آئیں۔

کم عمر لڑکی تشدد کے بعد اپنے زخموں کا علاج کرانے خود ہی ہسپتال گئی جہاں اس کی خیریت دریافت کرنے اس کی بڑی بہن آئی اور اس نے اپنی بہن کی حالت دیکھ کر پولیس کو اطلاع دی۔

پولیس کے مطابق اداکارہ کے خلاف ایف آئی آر درج کر لی گئی ہے تاہم پولیس کی طرف سے اداکارہ کی شناخت مخفی رکھی جا رہی ہے۔

ممبئی پولیس نے کم عمر گھریلو ملازمہ کو تشدد کانشانہ بنانے کے الزام میں ایک 25سالہ اداکارہ کو گرفتار کر لیا ہے۔