پاکستان نیوی انجینئرنگ کالج کراچی کے 33 ویں کانوکیشن کا کراچی میں انعقاد ہوا۔

 ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے۔ تقریب میں 317 طلبا و طالبات کو ڈگریاں تفویض کی گئیں۔

ترجمان پاکستان نیوی کا کہنا ہےکہ دوران تعلیم شاندار کارکردگی کا مظاہرہ کرنے والے طلبا و طالبات کو 34 میڈلز سے بھی نوازا گیا۔

اس مو قع پر نیول چیف نے کہاکہ پاک بحریہ اپنے افسران کو دیگر علاقائی اور بین الاقوامی بحری افواج کے معیار کے مطابق تربیت دینے کے لئے کوشاں ہے، قبل ازیں کمانڈنٹ پاکستان نیوی انجینئرنگ کالج نے ادارے کی مختلف پیشہ وارانہ اور علمی سرگرمیوں کا جائزہ پیش کیا۔

ترجمان پاک بحریہ کے مطابق تقریب کے اختتام پر نیول چیف نے ڈگری مکمل کرنے والے طلباوطالبات میں ڈگریاں اور میڈلزتقسیم کئے۔