پاکستانی میزبان و ماڈل متھیرا نے اہم انکشاف کر دیا۔

متھیرا نے گزشتہ دنوں اپنی بہن روز محمد کے ہمراہ ایک ٹاک شو میں بطور مہمان شرکت کی تھی جہاںا نہوں نے میزابان کی جانب سے کیے جانے والے سوالوں کے جوابات دیے۔

پاکستانی شوبز انڈسٹری کی سب سے مغرور اداکارہ کا نام لینے کے سوال پر متھیرا نے کہا کہ اُن کی بہن روز محمد سب سے مغرور اداکارہ ہیں۔

متھیرا نے انکشاف کیا کہ ’اُن کے جسم پر 40 ٹیٹو ہیں، یہ ٹیٹوز مختلف چائنیز اشکال ہیں۔

انہوں نے بتایا کہ ان کے ہاتھ پر سابق شوہر کے نام کا بھی ٹیٹو گدا ہوا تھا، علیحدگی کے  بعد انہوں نے اسے مٹانے کی بہت کوشش کی مگر یہ نہیں مٹ سکا ہے۔

متھیرا نے اس دوران اپنے مداحوں کو مشورہ بھی دیا کہ کبھی بھی اپنے پارٹنر کے نام کا ٹیٹو نہ بنوائیں ورنہ پارٹنرز تو چھوڑ کر چلے جاتے ہیں مگر ٹیٹوز رہ جاتے ہیں۔

متھیرا کا مزید اپنی ذات سے متعلق بات کرتے ہوئے کہنا تھا کہ اُن سے بناوٹی نہیں بنا جاتا، وہ جیسی ہیں ویسی ہی ہمیشہ رہتی ہیں۔

اس کے علاوہ متھیرا نے زمبابوے سے پاکستان ہجرت، کیریئر کے آغاز میں پیش آنے والی مشکلات اور ڈپریشن سے گزرنے کے تجربات سے متعلق بھی بات کی۔