پاکستان کرکٹ بورڈ(پی سی بی )کے چیئرمین رمیز راجہ نے ویمن اور جونیئر ٹیموں کیلئے کنٹریکٹ کا اعلان کیا ہے۔

تفصیلات کے مطابق چیئرمین پی سی بی رمیز راجہ نے نجی اسکول کی تقریب میں گفتگو کرتے ہوئے کہا کہ آئندہ ہفتے آپ کو بتائیں گے کہ مزید کیا کرنے جا رہے ہیں۔

رمیز راجہ کا کہنا تھا کہ زندگی میں بیلنس ہونا بہت ضروری ہے، اسکولوں سے کہوں گا اپنی ویمن اور جونیئر ٹیمیں بنائیں، پی سی بی جونیئر کنٹریکٹ آ رہا ہے، انڈر11، انڈر 16 اور انڈر19 کے بچوں کو کنٹریکٹ دیں گے۔

ان کا کہنا تھا کہ بنگلا دیش کے خلاف سیریز میں پاکستانی ٹیم بہت اچھا کھیلی، کرکٹ ٹیم کا جادو اور کمال چل رہا ہے۔

رمیز راجہ کا مزید کہنا تھاکہ بنگلہ دیش کے خلاف پاکستان بہت اچھا کھیلا، امید ہے جیت کا تسلسل آئندہ سیریزمیں بھی برقرار رہے گا۔