پشاور زلمی کے چیئرمین جاوید آفریدی نے لندن میں کینٹ کاؤنٹی کے چیف ایگزیکٹو آفیسر سائمن اسٹوری سے ملاقات کی ہے۔

جاوید آفریدی نے کہا ملاقات میں کرکٹ اور خصوصا پشاور زلمی اور کینٹ کاؤنٹی کے درمیان باہمی دلچسپی کے امور پر تبادلہ خیال کیا گیا۔

جاوید آفریدی نے ٹوئٹر پیغام میں کہا کہ زلمی فینز کو سرپرائز دیں گے ۔

https://twitter.com/JAfridi10/status/1473679847666896900

کینٹ کاؤنٹی کے سی ای او سائمن اسٹوری نے کہا کہ جاوید آفریدی اور رحمان چشتی سے ملاقات مفید رہی ، کرکٹ کا کھیل اقوام کو قریب لاتا ہے ،اور اس حوالے سے ملاقات میں تبادلہ خیال کیا گیا۔

ملاقات میں برطانوی رکن پارلیمنٹ رحمان چشتی بھی موجود تھے۔