بھارتی اداکار سیف علی خان کے ہمراہ پاکستان شوبز انڈسٹری کی مشہور اداکارہ زیبا بختیار ہیں۔

زیبا بختیار نے فوٹو اینڈ ویڈیو شئیرنگ ایپ انسٹاگرام پر سیف علی خان کے ساتھ ایک تصویر شیئر کی ہے۔

شئیر کی گئی تصویر میں  دیکھا جاسکتا ہے کہ اداکارہ زیبا بختیار کے ہمراہ اداکار سیف علی خان موجود ہیں اور دونوں اداکار بہت خوش لگ رہے ہیں۔

اداکارہ نے اس تصویر کو اپنے انسٹاگرام اکاؤنٹ پر شئیر کر کے پورانی یاد تازہ کر دی۔

واضح رہے کہ اداکارہ زیبا بختیار کا شمار پاکستان کی نامور اداکاراؤں میں ہوتا ہے۔

 زیبا بختیار پانچ نومبر 1971ء کو کوئٹہ میں پیدا ہوئی تھیں، اداکارہ پاکستان کے سابق اٹارنی جنرل یحییٰ بختیار مرحوم کی صاحبزادی ہیں۔

اداکارہ نے فلمی سفر کا آغاز بھارتی فلم ’حنا‘ سے کیا تھا، اس فلم میں رشی کپور ان کے ہیرو تھے ۔

زیبا بختیار اور عدنان سمیع 1993میں رشتہ ازدواج میں منسلک ہوئے تھے تاہم 1997 میں کچھ وجوہات کی بنا پر دونوں میں طلاق ہوگئی تھی۔

اس جوڑے کا ایک بیٹا اذان سمیع خان ہے جو گلوکاری اور اداکاری کے میدان میں اپنی صلاحیتوں کے جوہر دکھا رہے ہیں۔