یمن کے شہر مارب میں پناہ گزینوں کے کیمپ میں تین بچے سردی کی وجہ سے جاں بحق ہوگئے۔

یمن حکومت کے محکمہ مہاجر کیمپ کی جانب سے سوشل میڈیا پر جاری کیے گئے بیان کے مطابق مارب کے مہاجر کیمپ میں 3 بچے سخت سردی کے باعث جم کر زندگی کی بازی ہار گئے۔

بیان میں کہا گیا ہے کہ مہاجر کیمپ بنیادی صحت کی خدمات کے ساتھ ساتھ بچوں، عورتوں اور معمر افراد کو سردی سے محفوظ رکھنے کے امکانات سے بھی محروم ہے۔ انسانی امدادی تنظیمیں بھی اس معاملے میں مدد فراہم نہیں کر سکیں۔

مارب کے نائب گورنر عبدالربو مفتاح نے کہا ہے کہ نومبر کے مہینے میں مارب کے جنوبی علاقوں سے حوثی ملیشیاؤں کی طرف سے جبری طور پر نکالے گئے ہزاروں خاندان ابھی تک کھُلے آسمان تلے زندگی گزار رہے ہیں اور بنیادی انسانی ضروریات کی اشیاء اور سہولتوں سے بھی محروم ہیں۔