یکم جمادی الاول 1443 ہجری کل 6 دسمبر بروز پیر کو ہو گی۔

جمادی الاول 1443 ہجری کے چاند کی رویت کیلئے مرکزی رویت ہلال کمیٹی کا اجلاس وزارت مذہبی امور میں ہوا جس کی صدارت چیئرمین مولانا سید محمد عبد الخبیر آزاد نے کی۔

اجلاس میں مرکزی وزونل کمیٹی کے ممبران سمیت وزارت سائنس اینڈ ٹیکنالوجی اور محکمہ موسمیات کے حکام بھی شریک ہوئے، ملک بھر میں زونل رویت ہلال کمیٹیوں کے اجلاس اپنے ہیڈ کوارٹرز پر ہوئے۔

  چیئرمین مرکزی رویت ہلال کمیٹی مولانا سید محمد عبد الخبیر آزاد نے اعلان کرتے ہوئے کہا کہ ملک کے مختلف مقامات سے چاند نظر آنے کی شہادتیں موصول ہوئی ہیں لہٰذا اتفاق رائے سے فیصلہ کیا گیا کہ یکم جمادی الاول 1443 ہجری کل 6 دسمبر بروز پیر کو ہو گی۔

 اجلاس کے آخر میں ملکی استحکام و ترقی اور کشمیر و فلسطین کی آزادی کے لیے دعا کی گئی۔