وفاقی وزیر ریلوے اعظم سواتی نے کہا ہے کہ وزیر اعظم عمران خان کی خواہش ہے کہ پاکستان میں سیاحت کو فروغ دیں۔

اعظم سواتی نے اسلام آباد میں تقریب سے خطاب کرتے ہوئے کہا کہ حکومت اور وزیر اعظم کی طرف سے آپ کو ویلکم کرتا ہوں، پاکستان میں آپ سب کو بہت سے کلچر نظر آئیں گے، عمران خان کی خواہش ہے کہ پاکستان میں سیاحت کو فروغ دیں۔

ان کا کہنا تھا کہ پاکستان کے ہر اسٹیشن کا میں نے خود دورہ کیا ہے، پاکستان میں 100 سال پرانے اسٹیشن بھی موجود ہیں، یہاں کے لوگ بہت اچھے ہیں اور خوش اخلاق ہیں، میں 73 سال کا ہوں اور ابھی بھی ہویلیاں اسٹیشن پہ جاتا ہوں تو بچپن کی یاد آتی ہے، آپ لوگ جہاں بھی جائیں پاکستان کی سوفٹ امیج لے کر جائیں۔

وفاقی وزیر ریلوے اعظم سواتی نے کہا کہ پاکستان میں سیکورٹی کا کوئی مسئلہ نہیں ہے، غیر ملکیوں کا تحفظ پاکستان کی اولین ترجیح ہے۔