ستاروں کی کہکشاں میں تین نئے ستاروں کی موجودگی پر ان کا نام شیخ زاید بن سلطان النہیان کے نام پر رکھ دیا گیا۔

عرب میڈیا کے مطابق یہ تین متغیر ستارے متحدہ عرت امارات کی ایک فلکیاتی ٹیم نے دریافت کئے تھے۔

فلکیاتی ٹیم کے سربراہ نظرحزام سلام کے مطابق ان ستاروں اور ان کے ناموں کو انٹرنیشنل ویری ایبل اسٹار انڈیکس میں درج کر لیا گیا ہے۔

انہوں نے مزید بتایا کہ امریکن ایسوسی ایشن آف ویری ایبلز اسٹار اوبزرور نے بھی ان ستاروں کو تسلیم کرتے ہوئے رجسٹر کر لیا ہے۔

واضح رہے کہ متحدہ عرب امارات کی ریاست ابوظہبی سے تعلق رکھنے والی فلکیاتی ٹیم نے گزشتہ برس ایک ارب سال قبل نظام شمسی سے باہر ایک ستارے کے گرد گردش کرنے والے دو نئے ستاروں کو بھی دریافت کیا تھا۔