پاکستان بحریہ اور رائل نیوی آف اومان کے مابین دوطرفہ بحری مشق ثمر الطیب کا انعقاد  کیا گیا ہے۔

 ترجمان پاک بحریہ کے مطابق بحری مشق ثمر الطیب دونوں بحری افواج کے مابین ہر دو سال بعد باقاعدگی سے منعقد کی جاتی ہے۔

پاک نیوی کا کہنا ہےکہ مشق میں دونوں بحری افواج کے بحری جہازوں، فضائی اثاثوں اور اسپیشل سروس گروپس نے شرکت کی، مشق میں روائتی اور غیر روائتی خطرات کے خلاف مشترکہ میری ٹائم آپریشنز کا انعقاد کیا گیا۔

ترجمان پاک بحریہ کا مزید کہنا ہےکہ بحری مشق دونوں ممالک کی مشترکہ میری ٹائم آپریشنز کی صلاحیت میں اضافے کا باعث بنے گی، مشق کے انعقاد کا مقصد دونوں ممالک کے مابین دوطرفہ تعلقات کو مزید فروغ دینا ہے۔

یہ بھی پڑھیں: پاکستان نیوی انجینئرنگ کالج کراچی کے 33 ویں کانوکیشن کاانعقاد