پی ٹی آئی رکن سندھ اسمبلی راجہ اظہر نے کہا ہے کہ بلدیاتی قانون کے تحت سندھ حکومت کو الیکشن کرانے کا کوئی فائدہ نہیں۔

راجہ اظہر نے خطاب کرتے ہوئے کہا کہ ہم اپنے کراچی کے شہریوں کے حقوق کیلئے نکلیں ہیں، بلدیاتی قانون کے تحت سندھ حکومت کو الیکشن کرانے کا کوئی فائدہ نہیں، ہمیں الیکشن کرانے کا کوئی مقصد واضح نہیں نظر آرہا ہے۔

ان کا کہنا تھا کہ آنے والے میئر کے پاس صرف گٹر کھولنے کا اختیار ہے، سندھ حکومت پنجاب اور کے پی کے کی طرح بلدیاتی نظام لانے کی ہمت کرے، سندھ حکومت کو اپنی کارکردگی سے ہی خوف ہے۔

انہوں نے کہا کہ سندھ حکومت جانتی ہے کہ کراچی ان کے ہاتھ سے نکل چکا ہے، یہ سمجھتے تھے کہ اپوزیشن ماضی کی طرح ہے۔

پی ٹی آئی رکن سندھ اسمبلی راجہ اظہر کا مزید کہنا تھا کہ اپوزیشن خاموش تماشائی بنی رہے گی، پاکستان تحریک انصاف حق لینا جانتی ہے۔