وزیر اعلیٰ خیبر پختونخوا محمود خان نے اچانک دوروں کا سلسلہ دوبارہ شروع کردیا ہے۔

تفصیلات کے مطابق وزیر اعلیٰ نے تحصیلدار سٹی آفس کے دورے کے دوران سینٹر میں صفائی و خدمات کی فراہمی کی صورتحال پرعدم اطمینان کا اظہار کیا، تحصیلدار اور رجسٹرار آفس کی بد حالی اور صفائی کی ابتر صورتحال پر رپورٹ طلب کی۔

زمینوں کے انتقالات اور فرد کے اجراء میں تاخیر کی شکایت پر 2 پٹواری معطل کردی گئی، وزیر اعلیٰ نے خان رازق شہید پولیس اسٹیشن قصہ خوانی کا بھی اچانک دورہ کیا جہاں وزیر اعلیٰ نے تھانے میں صفائی کی صورتحال پر برہمی کا اظہار کیا۔

محمود خان نے پولیس اسٹیشن کی خستہ حالی پر سی سی پی او سے 3 دنوں میں رپورٹ طلب کرلی، وزیر اعلیٰ نے خیبربازار، قصہ خوانی بازار، چوک یاد گاراور دیگرعلاقوں کا بھی دورہ کیا۔

وزیر اعلیٰ نے ٹریفک اور صفائی کی صورتحال پرعدم اطمینان کا اظہار کیا، بے ہنگم ٹریفک کی صورتحال پر ایس ایس پی ٹریفک سے رپورٹ طلب کرلی، وزیر اعلیٰ قصہ خوانی بازار میں عوام میں گھل مل گئے جبکہ شہریوں نے خوشی کا اظہار کیا اور وزیر اعلیٰ کے ساتھ سیلفیاں بھی بنائی۔