گزشتہ روز کیریبئن جزائر میں واقع ملک ہیٹی میں ایندھن سے بھرے ٹرک میں آگ لگنے ہلاکتوں کی تعداد میں اضافہ ہوا ہے، جس کے بعد حکومت نے تین روز سوگ کا اعلان کیا ہے۔

گزشتہ روز کیریبئن جزائر میں واقع ملک ہیٹی کے شہر کیپ ہیٹین میں ایندھن سے بھرے ٹرک میں آگ لگنے سے کم از کم 75 سے زائد افراد ہلاک اور متعدد مکانات تباہ ہو گئے ہیں۔

غیر ملکی خبر رساں ادارے کے مطابق ایندھن کا ٹینکر الٹنے کے بعد اس سے ایندھن نکالنے کی کوشش کے دوران دھماکے سے آگ لگ گئی۔
حکام کا کہنا ہے اس ہولناک حادثے کے بعد ابھی تک کم از کم 75 لاشیں ملی ہیں اور بہت سے لوگ زخمی ہوئے ہیں۔

مقامی حکام کا کہنا ہے کہ دھماکے سے متعدد افراد زخمی جبکہ 20 گھروں کو نقصان پہنچا ہے۔

یہ بھی پڑھیں: ہیٹی: ایندھن کے ٹینکر میں آگ لگنے سے کم از کم 40 افراد ہلاک

واضح رہے کہ یہ واقعہ ایک بائیک والے کو بچانے کی کوشش میں کے دوران پیش آیاجس کے بعد مقامی لوگوں نے متاثرہ ٹینکر سے ایندھن جمع کرنے کی کوشش کی اور اسی دوران دھماکہ ہوگیا۔

حکام نے مزید کہا کہ کئی افراد زخمی بھی ہیں اور بعض کی حالت تشویشناک ہے۔