وزیر اعلیٰ سندھ سید مراد علی شاہ کی ہدایت پر ضلع ساوتھ میں پولیس کی ناکہ بندی شروع کردی ہے۔

تفصیلات کے مطابق ایس ایس پی ساوتھ زبیر نذیر کا کہنا ہے کہ ڈیفنس اور کلفٹن کے اہم مقامات پر اسنیپ چیکنگ کا سلسلہ جاری ہے، ڈیفنس، عائشہ منزل ، بلاول ہاوس چورنگی اور دو تلوار سمیت مختلف مقامات پر پولیس کی بھاری نفری موجود ہے۔

ان کا کہنا تھا کہ شہر میں حالیہ وارداتوں اور اسٹریٹ کرائم کی بڑھتی لہر پر قابو پانے کے لیئے اقدام کیا جارہا ہے، ساوتھ کے تمام ایس ایچ اوز ، ڈی ایس پیز اور افسران کو اسنیپ چیکنگ اور ناکہ بندی پر موجود رہنے کی ہدایت کی ہے۔

ایس ایس پی ساوتھ زبیر نذیر نے مزید کہا کہ اسنیپ چیکنگ کے دوران گاڑیوں کی تلاشی اور مکمل کوائف چیک کیئے جارہے ہیں۔