گوجرانوالہ میں شدید دھند کے باعث کار نہر میں جا گری ہے۔

تفصیلات کے مطابق گوجرانوالہ میں سادھوکی بیگ روڈ پر دھند کے باعث کار نہر اپرچناب میں جا گری جس کے نتیجے میں کار میں سوار 1 شخص جاں بحق اور دوسرا زخمی ہوگیا۔

ریسکیو آپریشن کے ذریعے زخمی اور جاں بحق ہونے والے شخص کی نعش نکال لی گئی ہے۔

ریسکیو ذرائع کا کہنا ہے کہ کار سوار کار میں 80 لاکھ روپے لے کر جارہے تھے، جوکہ کار سے برآمد کر لیے گئے ہیں۔

ریسکیو ذرائع نے بتایا کہ حادثہ دھند کے باعث پیش آیا۔

واضح رہے کہ پاکستان میں ٹریفک حادثات میں اضافہ دیکھا جا رہا ہے جس کی بہت سی وجوہات میں سے دھند ، تیز رفتاری، اناڑی ڈرائیور، ٹریف قوانین کی پابندی نا کرنا شامل ہیں۔