عالمی شہرت یافتہ گلوکار راحت فتح علی خان نے دبئی میں منعقد ہونے والے کانسرٹ کا اعلان کر دیا۔

گلوکار راحت فتح علی خان نے یہ اعلان متحدہ عرب امارات کو قومی دن پر مبارکباد دیتے ہوئے کیا اور کہا کہ اس جشن کے سلسلے میں 30 دسمبر کو دبئی میں ایسا کنسرٹ سجائیں گے، جس کی مثال نہیں ملتی۔

راحت فتح علی نے خدا اور محبت کے ساؤنڈ ٹریک کی ریکارڈ توڑ مقبولیت پر خدا کا شکر ادا کیا اور بھارتی گلوکار ارجیت سنگھ کی جانب سے تعریف پر ارجیت کا شکریہ بھی ادا کیا۔

دوسری جانب استاد راحت  فتح علی خان کا کہنا تھا کہ پاکستان میں بڑا زبردست کام ہو رہا ہے،۔

انہوں نے کہا کہ ڈرامہ انڈسٹری تو مثالی پرفارمنس دے رہی ہے۔

اس کے ساتھ ساتھ فلم انڈسٹری بھی اچھے سینماز بننے کے بعد مزید پھلے پھولے گی۔