وفاقی وزیر منصوبہ بندی اور سربراہ این سی او سی اسد عمر نے کہا ہے کہ کراچی کے لئے اچھی خبروں کا سلسلہ جاری رہے گا۔

سماجی رابطے کی ویب سائٹ ٹوئٹر پر اپنے جارہ کردہ ایک بیان میں وفاقی وزیر اسد عمر کا کہنا تھا کہ کراچی پلان کا ایک اور وفاقی منصوبہ مکمل ہو گیا۔

کراچی پلان کا ایک اور وفاقی منصوبہ مکمل. محمود آباد نالہ جو میلوں صرف کچرے کا ڈھیر تھا وہاں ساڑھے تین ارب روپے کی لاگت سے پختہ ڈرین کی تعمیر، سیورج کا نظام ، 7.2 کلومیٹر سڑکوں کی تعمیر مکمل. کراچی کے لئے اچھی خبروں کا سلسلہ جاری رہے گا انشاءاللہ… جو کہا تھا کر کے دکھا رہے ہیں pic.twitter.com/33dYmejUHz

— Asad Umar (@Asad_Umar) December 18, 2021

انہوں نے کہا کہ محمود آباد نالہ جو میلوں صرف کچرے کا ڈھیر تھا وہاں ساڑھے 3 ارب روپے کی لاگت سے پختہ ڈرین کی تعمیر، سیورج کا نظام ، 7.2 کلومیٹر سڑکوں کی تعمیر مکمل کرلی گئی ہے۔

وفاقی وزیر منصوبہ بندی اور سربراہ این سی او سی اسد عمر کا کہنا تھا کہ کراچی کے لئے اچھی خبروں کا سلسلہ جاری رہے گا، ہم نے جو کہا تھا کر کے دکھا رہے ہیں۔