صوبائی وزیر صحت ڈاکٹر یاسمین راشد نے کہا ہے کہ ہم  پروفیسر ڈاکٹر فخر النساء اختر کی خدمات کو سلام پیش کرتے ہیں۔

ڈاکٹر یاسمین راشد نے کنگ ایڈورڈ میڈیکل یونیورسٹی میں سابقہ پرنسپل فاطمہ جناح میڈیکل کالج پروفیسر ڈاکٹر فخر النساء اختر کے انتقال پر تعزیتی اجلاس میں بطور مہمانِ خصوصی شرکت کی۔

اس موقع پر وائس چانسلر پروفیسر ڈاکٹر خالد مسعود گوندل، پروفیسر محمود علی ملک، پروفیسر ڈاکٹر محمود شوکت، ایم ایس مئیو ہسپتال ڈاکٹر محمد افتخار، پروفیسر ڈاکٹر اسد اسلم خان، پروفیسر ڈاکٹر اعجاز حسین،پروفیسر ڈاکٹر بلقیس شبیر، ڈاکٹر فیاض احمدر انجھا، پروفیسر ڈاکٹر ثاقب شفیع، پروفیسر محمد سعید، پروفیسر عظمیٰ حسین، پروفیسر ابرار اشرف، پروفیسر احسن نعمان و دیگر فیکلٹی ممبران سمیت طلباء و طالبات کی کثیر تعداد نے شرکت کی۔

تعزیتی اجلاس میں مرحومہ پروفیسر ڈاکٹر فخرالنساء اختر کو بہترین خدمات پر خراجِ تحسین پیش کیا گیا، وائس چانسلر پروفیسر ڈاکٹر خالد مسعود گوندل، پروفیسر ڈاکٹر محمود شوکت، پروفیسر ڈاکٹر اسد اسلم خان، پروفیسر ڈاکٹر اسد اسلم خان، پروفیسر ڈاکٹر شاہینہ و دیگر فیکلٹی ممبران نے خیالات کا اظہار کیا۔

تعزیتی اجلاس میں مرحومہ کے ایصالِ ثواب کیلئے دعا بھی کی گئی۔

صوبائی وزیر صحت ڈاکٹر یاسمین راشد نے اظہارِ خیال کرتے ہوئے کہا کہ آج ہم پروفیسر ڈاکٹر فخر النساء اختر کی خدمات کو سلام پیش کرتے ہیں، ڈاکٹر فخرالنساء کے ساتھ بہت دیرینہ تعلق تھا، اللہ پاک ان  کے درجات بلند فرمائے۔

ان کا کہنا تھا کہ ہم نے ڈاکٹر فخر النساء سے بہت کچھ سیکھا، ہمیشہ ان کے جیسا بننے کی کوشش کی، ہم نے ان سے خود اعتمادی سیکھی، انہوں نے خدمت انسانیت کر کے بہت نیکیاں سمیٹی ہیں۔

صوبائی وزیر صحت ڈاکٹر یاسمین راشد نے کہا کہ آج پروفیسر ڈاکٹر فخر النساء نہیں بلکہ میری روحانی ماں کا انتقال ہوا ہے، پروفیسر عائشہ کی خوش نصیبی ہے کہ پروفیسر ڈاکٹر فخر النساء اختر ان کی والدہ تھیں، اللہ پاک مرحومہ کے اہلِ خانہ کو صبرِ جمیل عطاء کرے، اللہ پاک ہم سب کو ان کے نقشِ قدم پر چل کر خدمت انسانیت کی توفیق عطاء کرے۔

وائس چانسلر کنگ ایڈورڈ میڈیکل یونیورسٹی پروفیسر ڈاکٹر خالد مسعود گوندل نے اظہارِ خیال کرتے ہوئے کہا کہ پروفیسر ڈاکٹر فخر النساء اختر کی گراں قدرِ خدمات کو عزت کی نگاہ سے دیکھتے ہیں، ان کی اپنی ذات میں ایک ادارہ کی حیثیت رکھتی تھیں۔