ورلڈ ایتھیلیٹ ایسوسی ایشن نے سال 2021 کے لئے بہترین مرد اور خاتون ایتھیلیٹ کا اعلان کر دیا ہے۔

تفصیلات کے مطابق ناروے سے تعلق رکھنے والے 25 سالہ کیرسٹین وارہوم کو 400 میٹر رکاوٹ ریس میں بہترین کارکردگی پر بہترین مرد ایتھلیٹ برائے سال 2021 منتخب کر لیا ہے، جبکہ جمیکا سے تعلق رکھنے والی اسپرنٹر ایلائن تھامپسن ہیرا کو بہترین خاتون ایتھیلیٹ برائے سال 2021 منتخب کر لیا ہے۔

بہترین مرد ایتھیلیٹ قرار پانے والے ناروے کے کیرسٹین نے ٹوکیو اولمپکس میں 45.94 سیکنڈ میں ریس کا اختتام کر کے تاریخ ساز کارکردگی پیش کی تھی۔

بہترین خاتون ایتھیلیٹ کا اعزاز پانے والی تھامپسن ہیرا نے گزشتہ دو اولمپک گیمز میں بہترین کارکردگی پیش کی تھی، انہوں نے ٹوکیو اولمپکس میں مشہور شیلی این فریزر کو 100 میٹر کی ریس میں شکست دے کر گولڈ میڈل اپنے نام کیا تھا۔