جہلم میں جی ٹی روڈ ڈومیلی موڑ کے مقام پر ٹریفک حادثہ پیش آیا ہے۔

تفصیلات کے مطابق ریسکیو کا کہنا ہے کہ چینی سے بھرا ٹرک الٹنے سے ایک ٹرک اور کیری وین ٹکرا گئیں، حادثے میں 1 شخص جاں بحق جبکہ 2 شدید زخمی ہوگئے ہیں۔

ریسکیو کا کہنا ہے کہ حادثے میں 2 اشخاص گاڑی میں پھنس گئے، ریسکیو ٹیموں نے گاڑی کاٹ کر زخمیوں کو نکالا، لاش اور زخمیوں کو ڈی ایج کیو جہلم منتقل کر دیا گیا۔

ریسکیو نے بتایا کہ دونوں زخمیوں کی حالت تشویشناک ہے، ٹرک الٹنے سے روڈ کی ایک طرف مکمل بلاک ہو گئی۔

موٹر وے پولیس کے مطابق جی ٹی سے ٹرکوں کو ہٹا کر ٹریفک بحالی میں چند گھنٹے لگ سکتے ہیں، ٹریفک کو ایک روڈ سے گزارا جا رہا ہے۔