ایبٹ آباد شہر میں بارش جبکہ گلیات میں برف باری کا سلسلہ جاری ہے۔

تفصیلات کے مطابق دوسرے دن بھی سے گلیات میں برف باری جاری ہے، نتھیا گلی، چانگلہ گلی، ایوبیہ اور ٹھنڈ یانی میں 1 فٹ سے زائد برف پڑھ چکی ہے، ایبٹ آباد کو مری سے ملانے والی مین شاہراہ بند ہے۔

ذرائع کا کہنا ہے کہ گلیات کے درجنوں دیہات کی رابطہ سڑکیں بند ہیں، برف باری سے گلیات میں بجلی کا نظام درہم برہم ہو گیا ہے، لاکھوں کی آبادی گھروں میں محصور ہے۔

 ذرائع کے مطابق پی ڈی ایم کے جاری کردہ الرٹ کے باوجود ضلعی انتظامیہ سیاحوں کو سہولیات دینے میں مکمل طور پر ناکام ہے، بڑی تعداد میں سیاح نتھیا گلی، ڈونگاگلی، چانگلہ گلی اور ایوبیہ میں پھنس چکے ہیں۔

  ذرائع کا کہنا ہے کہ گلیات سمیت ٹھنڈیانی کے درجنوں دیہات کی رابطہ سڑکیں بند جبکہ بجلی معطل ہے۔