ثاقب نثار کی آڈیو لیک کے مرکزی کردار احمد نورانی کے خلاف ان کی اہلیہ نے درخواست دے دی۔

تفصیلات کے مطابق سابق چیف جسٹس ثاقب نثار کی آڈیو لیک کرنے والے صحافی احمد نورانی کی اہلیہ عنبرین فاطمہ نے خلع کے لیے فیملی کورٹ میں دعوی دائر کردیا ہے جس پر فیملی عدالت نے نوٹس جاری کرتے ہوئے فریقین سے جواب طلب کرلیا۔

عنبرین فاطمہ کی جانب سے دائر دعوے میں مؤقف اختیار کیا گیا ہے کہ احمد نورانی ایک برے کردار کے انسان ہیں اور بہت سی براٸیوں میں مبتلا ہیں۔ احمد نورانی نے چینلزاورسوشل میڈیا پرمجھے طلاق دینے کا بیان دیا۔

عدالت میں دائردعوے میں عنبرین فاطہ کا مؤقف ہے کہ احمد نورانی نے آج تک کبھی مجھے زبانی یا تحریری طور پر طلاق نہیں دی۔ احمد نورانی اپنے دوستوں کے ذریعے سوشل میڈیا پرمجھے طلاق یافتہ کہلوا رہے ہیں۔

عنبرین فاطمہ کی جانب سےعدالت سے استدعا کی گئی کہ احمد نورانی کے اس رویے سے شدید ذہنی اذیت کا شکار ہوں۔ شوہراحمد نورانی کے نکاح میں نہیں رہنا چاہتی۔ لہذا عدالت خلع کی ڈگری جاری کرنے کا حکم دے۔