آئی فون 14 پرو کے انوکھے فیچرز کی تفصیلات سامنے آگئیں
آئی فون سے متعلق ہر خبر پر نظر رکھنے والی ویب سائٹ نے آئندہ سال ریلیز ہونے والے آئی فون 14 پرو کی تفصیلات شایع کردیں۔
امریکی ٹیکنا لوجی جائنٹ ایپل نے رواں سال ستمبر میں ہی اپنی نئی سیریز آئی فون 13 کے نام سے ریلیز کی، جس کے بعد اس کے نئے ماڈل کے بارے میں قیاس آرائیوں کا آغاز ہوگیا تھا۔
آئی فون کے آنے والے ماڈلز، ان کے فیچرز اور دیگر تفصیلات کے بارے میں خبریں دینے والی ویب سائٹ ایپل انسائیڈر کے مطابق مالیاتی کمپنی ٹی ایف انٹر نینشل سیکیورٹیز کے تجزیہ کار منگ چی کیو نےکہا ہے کہ ایپل آئندہ برس آئی فون 14 پرو کو 48 میگا پکسل کیمرے کے ساتھ اور 2023 میں آئی فون 15 ماڈل کو پیری اسکوپ لینس کے ساتھ فروخت کے لیے پیش کرے گا۔
منگ کا کہنا ہے کہ آئی فونز کے آنے والے ماڈلز میں اس اپ گریڈز سے کیمرہ لینس تیار کرنے والی تائیوانی کمپنی Largan Precision کے مارکیٹ شیئرز، آمدن اور منافع میں بہت زیادہ اضافہ ہوگا۔
AdvertisementApple is set to include a 48-megapixel camera sensor in the #iPhone14, according to TF Securities analyst #MingChiKuo, with a folding lens arrangement also expected to arrive in the #iPhone15. https://www.bolnews.com/urdu/latest/2021/12/372702/amp/ pic.twitter.com/jlVAz9BWt5
— AppleInsider (@appleinsider) December 20, 2021
منگ کے مطابق 48 میگا پکسل کیمرہ صرف آئی فون14 پرو ماڈل تک محدود رہے گا۔ اس کیمرے کی مدد سے استعمال کنندگان 8K ویڈیو ریکارڈ کرسکیں گے، جب کہ موجود ماڈلز میں صرف4K ویڈیو ریکارڈ کی جاسکتی ہے۔
اس ہائی ریزولیشن 8K ویڈیو کی بدولت ایپل کے اے آر( آگمینٹڈ ریئلٹی) اور وی آر (ورچوئل ریئلٹی) ہیڈ سیٹ پر ویو زیادہ مناسب ہوجائے گا۔ ایپل کی جانب سے اےآر اور وی آر ہیڈ سیٹ کو بھی آئندہ سال متعارف کرائے جانے کی توقع ہے۔
منگ کا مزید کہنا ہے کہ ایپل بہتر کیمرہ نتائج حاصل کرنے کے لیے پکسل بائنگ پراسیس بھی استعمال کرسکتا ہے۔ اس ٹیکنالوجی کو پہلے سے ہی سام سنگ گلیکسی S21 الٹرا اور اس جیسے دیگر اینڈروئیڈ فون میں استعمال کیا جا رہا ہے۔
اگر ایپل آئی فون 14 پرو میں کیمرہ بائننگ پراسیس کا استعمال کرتا ہے تو اس سے زیادہ روشنی میں 48 میگا پکسل کی تصاویر اور کم روشنی میں 12 میگا پکسل کی تصاویر لی جاسکیں گی۔
کیو نے پیش گوئی کی ہے کہ آئی فون 15 ماڈل 2023 میں پیری اسکوپ لینس کے ساتھ آسکتا ہے۔ جس سے آئی فون میں آپٹیکل زوم کی صلاحیت میں مزید اضافہ ہوگا۔
پیری اسکوپ لینس کیا ہے ؟
پیری اسکوپ لینس اسمارٹ فونز میں آپٹیکل زوم کی صلاھیٹ فراہم کرتا ہے جو کہ اسمارٹ فون میں کسی اور طریقے سے ممکن نہیں۔ اس لینس کی بدولت استعمال کنندہ x 5 اورx 10 تک آپٹیکل زوم تک کرسکتے ہیں۔
آئی فون کے موجود ماڈلز میں زوم کی زیادہ سے زیادہ رینجx 2.5 ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News